இந்திரா பார்த்தசாரதி கட்டுரைகள்
மூத்த எழுத்தாளர் இந்திரா பார்த்த சாரதி அவர்களால் பல்வேறு காலக் கட்டங்களில் எழுதப்பட்ட கட்டுரைகளின் தொகுப்பு.
ஒரு குறிப்பிட்ட துறை சார்ந்து எழுதப்பட்ட குவியல் அல்ல. கற்பு, அரசியல், தமிழக, இந்திய, உலக இலக்கியம், சினிமா, இலக்கணம், உலகப்போர் என பல்வேறு துறைகள் தொடர்பான கருத்தாளமிக்க கட்டுரைகள். மிகவும் மூத்த படைப்பாளி என்பதனால் அவருடைய சொல் வண்ணமும், தகவல்களின் தரமும் இயல்பாகவே உயர்வாக இருப்பதில் ஆச்சரியமில்லை. ஆரம்ப நிலை கட்டுரைகளில் இல்லாமல், பின்னர் வரும் கட்டுரைகளில் உள்ள நகைச்சுவை உணர்வு நான் விரும்பி ரசித்த ஒன்று. அத்துணை சிறப்பான நகைச்சுவைகள். அந்த அந்த நிகழ்வுகளுடன் பொருந்திப் போகின்ற நகைச்சுவைகள். மொத்தத்தில் என் பார்வையில் இன்னுமொரு விழியைத்திறக்கும் நூல்.
