movie

The Core

2003 ஆம் ஆண்டு வெளிவந்த திரைப்படம். இயக்கம் Jon Amiel. நடிப்பு Aaron Eckhart, Hilary Swank மற்றும் பலர்.

சில நகரங்களில் நடைபெறும் சில‌ விசித்திர நிகழ்வுகளால் ஆச்சரியமடையும் Dr.Josh Keyes மற்றும் Dr.Serge Leveque இருவரும் பூமியின் காந்தப்புலத்தில் ஏற்பட்டுள்ள திடீர் மாற்றமே இதற்கான காரணம் என அறிகிறார்கள். காந்தப்புல மாற்றத்திற்கான‌ காரணம் பூமியின் ஆழ் மையத்தில் உள்ள உலோக குழம்பு சுழல்வதை நிறுத்தியதே எனவும், அது பூமியின் நிலைத்தன்மையில் மிகப்பெரிய மாற்றத்தை உண்டாக்கும், தொடரும் பட்சத்தில் பூமி விண்வெளியின் கதிரியக்கத்தாக்குதலுக்கு நேரடியாக உள்ளாகி, விண்வெளிக் கதிரியக்கத்தினால் பூமியில் உள்ள உயிரினங்கள் அனைத்தும் அழிந்துவிடும் எனவும் அறிகிறார்கள். அதனை மற்றோர் அறிவியலாளரும் பிரபலமானவருமான Dr.Conrad Zimsky இடம் தெரிவிக்கிறார்கள்.

இது அமெரிக்க ராணுவத்திற்கு தெரிவிக்கப்படுகிறது. இதனை சரிசெய்ய பூமியின் ஆழத்தில் உள்ள உலோகக்குழம்பு மீண்டும் சுழலவைக்கப்பட வேண்டும், ஆனால் அது மிக மிக சவாலானது எனத் தெரிவிக்கிறார்கள். ஆனால் அவர்களே வியக்கும் வண்ணம் பூமியின் ஆழத்திற்கு பயணிப்பதற்கான ஓர் ஓடம் Dr.Brazzelton என்பவரால் தயாரிக்க‌ப்பட்டுக்கொண்டிருப்பதை அறிகிறார்கள். அவ்வோடம் எத்தகைய வெப்பத்தினையும் தாங்க வல்ல ஆற்றல் கொண்டதாகவும், பூமியினைக் கதிரியக்கத்தினால் விரைவாகத் துளையிடும் ஆற்றல் கொண்டதாகவும் இருக்கிறது.

இதனால் பூமியின் ஆழ் மையக் குழம்பை சுழல வைக்க அமெரிக்க ராணுவத்தின் மேற்பார்வையில் அக்குழு தயாராகிறது. அக்குழுவில் Dr.Josh Keyes,Dr.Serge Leveque,Dr.Conrad Zimsky,ராணுவ விண்வெளி ஓடத்தின் விமானிகள் Robert Iverson,Rebecca,ஓடத்தின் வடிவமைத்த Dr.Brazzelton இருக்கிறார்கள். அத்தோடு இது தொடர்பான தகவல்கள் உலகில் கசியாமல் இருக்கவும், மக்கள் பீதியடையாமல் இருக்கவும் Finch என்ற ஓர் ஹேக்கிங் இளைஞனை பணியில் அமர்த்துகின்றனர். இத்திட்டம் தொடர்பான தகவல்களை இணையத்தில் பரவாமல் தடுப்பதே அவனுடைய வேலை.

இந்த திட்டத்தின் ஒட்டுமொத்த செயல்பாடும் அமெரிக்க ராணுவம் பூமியின் மேற்பரப்பிலிரிந்து கண்காணிக்கும் வண்ணம் வடிவமைக்க‌ப்படுகிறது.

பசிபிக் கடலின் ஓர் ஆழமான இடத்தில் குழு தன்னுடைய பூமியின் ஆழ் மையத்திற்கான‌ பயணத்தினை தொடங்குகிறது. பூமியின் ஆழத்திற்குச் சென்று அங்கு கதிரியக்கக் குண்டுகளை வெடிக்கவைப்பதன் மூலம் அதனை மீண்டும் சுழல வைப்பதே அவர்களின் திட்டம். ஆனால் செல்லும் வழியில் ஏற்படும் சில எதிர்பாராத தடைகளால் அவர்களது ஓடம் பாதிக்கப்படுகிறது. அதனை சரி செய்யும் முயற்சியில் விமானி Robert Iverson இறந்து விடுகிறார். தொடர்ந்து புறப்படும் அவர்கள் பயணத்தில் மற்றொரு அறிவியலாளரும் (Dr.Serge Leveque) இறந்து விடுகிறார்.

இதற்கிடையில் பூமியில் ஆங்காங்கு ஏற்படும் கதிரியக்க நிகழ்வுகளால் மக்கள் மத்தியில் இது தொடர்பான பீதி அதிகம் பரவத்தொடங்குகிறது. அதனைக் கட்டுப்படுத்த முயலும் Finch DESTINY என்னும் திட்டத்தினைப் பற்றி அறிந்து ஆச்சரியம் அடைகிறான். அதாவது பூமியின் மையத்திலுள்ள உலோகக் குழம்பு சுழலாமல் இருப்பதற்கு காரணம் அமெரிக்க ராணுவம்தான் எனவும், பூமியின் மையத்திலிரிந்து நிலநடுக்கத்தினை உருவாக்கும் கருவியினை சோதனை செய்யும் பொழுதே பூமிக்குழம்பின் சுழற்சி நின்றதையும் அறிந்து கொள்கிறான். அத்திட்டத்தினை ராணுவத்திற்காக செயல்படுத்தியவர் Dr.Conrad Zimsky தான் என்பதையும் அறிந்து கொள்ளும் பின்ச் அதனை Dr.Josh Keyes இடம் தெரிவிக்கிறான்.

இதற்கிடையில் பூமியின் மையத்தினை நெருங்கும் குழு, மையத்திலுள்ள உலோககுழம்பின் தடிமன் அவர்கள் கணித்ததனை விட மாறாக இருப்பதை அறிகிறார்கள். அதனால் தங்களிடம் உள்ள கதிரியக்கக் குண்டுகள் போதுமானவையாக இருக்காது என Dr.Conrad Zimsky கூறுகிறார். மேலும் தங்களுடைய திட்டத்தினை விட்டு விட்டு பூமியின் மேல்பரப்பிற்கு செல்வோம் எனவும் கூறுகிறார். ராணுவத்தலைமையும் அவர்களை திட்டத்தினைக் கைவிட்டு விட்டு பூமியின் மேல்பரப்பிற்கு வருமாறு உத்தரவிடுகிறது. அதனை மறுக்கும் மற்றவர்கள் தங்களுடைய மாற்றுத்திட்டத்தின் படி இதனை முயற்சிக்க அனுமதிக்க வேண்டும் எனவும் அதற்காக கூடுதல் நேரத்தினையும் கோருகிறது. அக்கோரிக்கையை ராணுவம் நிராகரிக்கிறது. தங்கள் திட்டப்படியே தொடர விரும்பும் குழுவினர் அதற்கு Dr.Josh Keyes ஐ ஒத்துக்கொள்ள வைக்கின்றனர்.

இந்நிலையில் ராணுவம் இத்திட்டத்தின் மாற்றுத்திட்டமான‌ DESTINY திட்டத்தினை செயல்படுத்த தொடங்குகிறது. அதாவது சென்ற முறை செய்த முயற்சியினைப்போல (கதிரியக்கக் குண்டை பூமியின் ஆழத்தில் வெடிக்கச் செய்வது) மீண்டும் ஒருமுறை செய்து பூமியின் ஆழத்திலுள்ள உலோகக்குழம்பை சுழல வைக்க முயல்கிறது். அதன் பின்விளைவுகளை எச்சரிக்கும் Dr.Josh Keyes ஐ அவர்கள் புறந்தள்ளுகின்றனர். அதனால் Finch இடம் DESTINY திட்டத்டினை தாமதப்படுத்துமாறு Dr.Josh Keyes ரகசியாமய்க் கேட்கிறார். Finch DESTINY திட்டத்தின் கணினிகளை ஹேக் செய்து அதனைத் தாமதிக்கிறான்.

தங்களுடைய மாற்றுத்திட்டத்தின் முயற்சியில் Dr.Brazzelton மற்றும் Dr.Conrad Zimsky இறந்துவிடுகின்றனர். விடாமல் முயற்சிக்கும் Keyes,Rebecca பூமிக் குழம்பை சுழல வைத்துவிடுகின்றனர். பின்னர் சில முயற்சிகள் மூலம் பூமியின் மேற்பரப்பிற்கு வரும் அவர்கள் திமிங்கிலங்கள் எழுப்பும் அதிர்வலைகளின் உதவியால் ராணுவத்தால் மீட்கப்படுகின்றனர். சில நாட்களுக்குப்பிறகு Finch DESTINY திட்டத்தினைப் பற்றிய ராணுவத்தின் ரகசியங்களையும் அதற்காக இறந்தவர்களைப் பற்றியும் இணையத்தில் வெளியிடுகிறான்.

இத்திரைப்படத்தில் அறிவியல் புனைக்கதைகளுக்கான அனைத்து அபத்தங்களும் உண்டென்றாலும் இப்படத்தின் சில பாராட்டப்பட வேண்டிய விஷயங்கள்.

  1. புனைவு என்பதற்காக எல்லாவற்றையும், இது சாத்தியமான ஒன்று. இதற்கு இந்த கருவி என வெறுமனே கூறாமல் அது தொடர்பாக சற்றேனும் தகவல்களை அறிந்து அதனை ஒட்டி காட்சிகளைப் படமாக்கியிருப்பது. நம் தமிழ் சினிமாவில் இதுவரை நாம் இதனை செய்தது இல்லை. இதுவரை வெளிவந்த ஒரு சில அறிவியல் புனைவுத் திரைப்படங்களும் மிதமிஞ்சிய கற்பனாவாதத்தினைக் கொண்டிருப்பவை. அதாவது ‘எல்லாமே சாத்தியம் ஒரு கருவியால்’ என்னும் ஒற்றைப்படையான கனவில் இருந்து வருபவை.
  2. வழக்கமாக கதாநாயகன் துதிபாடல்கள் இல்லாமை. இந்திய சினிமாவினைப் பின்னிழுக்கும் முக்கிய காரணிகளுள் ஒன்றாக நான் கருதுவது. கதையின் நாயகனாக இல்லாமல் நாயகனின் கதையாக மாறிப்போய்விட்ட நம் சூழலில் கதையின் ஓட்டத்தில் அனைவரையும் அறிமுகம் செய்வது என்பது ஆங்கிலத்திரைப்படங்களின் இயல்பாகவே அமைகின்றன. இத்திரைப்படமும் அதற்கு விதிவிலக்கல்ல‌
  3. இது போன்ற திரைப்படங்களை சிறுவர்களுக்கு காண்பிக்க வேண்டும் என்பது என் எண்ணம். இத்தகைய திரைப்படங்கள் வாயிலாக அவர்களது ஆர்வம் தூண்டப்படும் அல்லது அவர்கள் சற்றே ஆழமாக சிந்திக் ஒர் புதிய வாசல் திறக்கலாம். உதாரணமாக இப்படத்தில் வரக்கூடிய ஓடம் unobtainium என்னும் உலோகத்தால் ஆனது, அது எத்தகைய வெப்பத்தினையும் தாங்கும் என்பது போன்றவை அவர்களுடைய அறிவியல் புரிதலில் ஓர் சிறிய மாற்றத்தினை ஏற்படுத்தக்கூடும். இதில் ஓர் சுவாரசியம் என்னவெனில் அப்படி ஒர் உலோகமே கிடையாது. unobtainable என்ற வார்த்தையில் -ium என்ற வார்த்தையைச் சேர்த்து உருவாகிய வார்த்தை அது.

The Boss Baby – குழந்தை முதலாளி

2017 ஆம் ஆண்டு வெளிவந்த அனிமேஷன் திரைப்படம். 2010 ஆம் ஆண்டு இதே பெயரில் வெளிவந்த The Boss Baby என்ற புத்தகத்தினை தழுவி எடுக்கப்பட்டுள்ளது.

கதைச்சுருக்கம் இதுதான்.

கதை எதிர்காலத்தில் நடைபெறுகிறது. டிம் தன்னுடைய குழந்தைக்கு தன்னுடைய சிறு வயதுக்கதையைக் கூறுவதாகப் படம் தொடங்குகிறது. டிம் தன்னுடைய பெற்றோருக்கு ஒரே பையன். செல்லமாகவும் புத்திசாலித்தனமாகவும் வளர்ந்து வருகிறான். டிம்மின் பெற்றோர் பப்பிஸ் கார்ப் என்ற‌ நாய்க்குட்டிகளை விற்பனை செய்யும் கம்பெனியில் பணியாற்றுகின்றனர். பரபரப்பான வேலைக்கு மத்தியிலும் டிம்மிற்கான நேரத்தை அவனுடன் செலவிடுகின்றனர். இதற்கிடையில் தன் வீட்டிற்கு பிஸினஸ் சூட் உடையணிந்து வரும் ஒரு குழந்தையை மாடியிலிந்து பார்க்கிறான் டிம். அக்குழந்தை விசித்திரமாக இருப்பதைக்கண்டு விரைவாக தன்னுடைய அறையில் இருந்து கீழே வருகிறான். அதற்குள்ளாக அக்குழந்தையை அவன் பெற்றோர் அவனை டிம்மின் தம்பி என அறிமுகம் செய்கின்றனர்.

மறுபுறம், பேபி கார்ப் என்ற கம்பெனி மக்களுக்கு குழந்தைகளை டெலிவரி செய்யும் நிறுவனம் நடத்தி வருகிறது. குழந்தை வேண்டுபவர்களுக்கு குழந்தை அனுப்பி வைக்கப்படும். அப்படி அனுப்பப்பட்ட ஒரு குழந்தைதான் டிம் வீட்டிற்கு வந்த குழந்தை. வந்த வெகு சில நாட்களில், டிம்மின் பெற்றோர் அக்குழந்தையோடே அதிக நேரம் செலவிடுவதாக டிம் என்னுகிறான். தன்னுடைய தூக்க‌ நேரத்துக் கதைகளையும், பாடலையும் கூட பெற்றோர் தனக்காக தற்போது செய்வதில்லை என எண்ணுகிறான் டிம்.

அதனால் அக்குழந்தையை அதிகம் கவனிக்கும் டிம் வெகு விரைவிலேயே அக்குழந்தை சராசரிக்குழந்தை அல்ல அன்றும் அக்குழந்தையால் பெரியவர்களைப்போல் பேசவும் சிந்திக்கவும் முடியும் என்பதை அறிந்து கொள்கிறான். அக்குழந்தையிடமும் அதனைக்கூறி, அது யாரெனக் கேட்கின்றான். அக்குழந்தை தன்னை பாஸ் எனக் கூறிவிட்டு தன்னுடைய பணியில் எந்த தொந்தரவும் செய்யாமல் இருக்குமாறு டிம்மிடம் கூறுகிறது. அது மட்டுமல்லாமல் அக்குழந்தையோடு அக்கம் பக்கத்திலிருக்கும் வீடுகளிலிருக்கும் குழந்தைகள் ஒன்று சேர்ந்துகொண்டு அவ்வப்போது திட்டங்கள் தீட்டுவதையும், பெரிய‌வர்கள் இருக்கும்பொழுது குழந்தைகளைப்போல நடிப்பதையும் டிம் காண்கிறான். அவைகளும் சராசரிக் குழந்தைகள் அல்ல என்பதையும் அறிந்து கொள்கிறான்.

தன்னுடைய பெற்றோருக்கு இதனைத் தெரிவிக்க பல்வேறு வழிகளில் முயற்சிக்கிறான் டிம். ஆனால் அக்குழந்தைகளெல்லாம் ஒன்று சேர்ந்து டிம்மின் முயற்சியை முறியடித்துவிடுகின்றன. இதனை நம்ப மறுக்கும் டிம்மின் பெற்றோர், டிம்மின் குழந்தைக்கு எதிரான‌ செயல்பாடுகளால் அவனை தனியறையில் அடைத்துவிடுகின்றனர். அப்போது டிம்மிடம் பேசும் அக்குழந்தை தன்னைப்பற்றிய அனைத்து உண்மைகளையும் டிம்மிடம் கூறுகிறது. பெரியவர்களிடத்தில் குழந்தைகள் மீதான அன்பு குறைந்து நாய்கள் மீதான‌ பிரியம் அதிகரித்து விட்டதாகவும், இந்நிலை தொடர்ந்தால் எதிர்காலத்தில் அனைவரும் குழந்தைகளை விரும்பாமல் நாய்களையே விரும்ப நேரிடும் என்றும் கூறுகிறது. இந்நிலையில் நாய்களை விற்பனை செய்யும் பப்பீஸ் கார்ப் நிறுவனம் புதியதாக ஒரு நாய்க்குட்டியை அறிமுகம் செய்யவிருப்பதாகவும் அதனைப் பற்றிய தகவல்களை அறிந்து செல்வதற்காகவே தான் வந்திருப்பதாகவும் கூறுகிறது.

எப்பொழுதுமே குழந்தையாக இருப்பதற்கு ஒரு விஷேச‌ பானத்தினை அருந்திக்கொண்டிருப்பதாகக் கூறும் அக்குழந்தை, தான் பிறக்கும் பொழுதே பெரியவர்களுக்கான குணாதிசயங்களோடு பிறப்பதாகவும் கூறுகிறது. மேலும் அந்த பானத்தினை அருந்தாமல் விட்டுவிட்டால் தான் சாதாரணக் குழந்தையாகிவிடுவேனென்றும் கூறுகிறது. டிம்மின் பெற்றோர் பப்பீஸ் கார்ப்பில் வேலை செய்வதால் தனக்கு உதவும்படி டிம்மிட‌ம் கேட்கிறது. தன்னுடைய வேலையை முடித்துவிட்டால், தான் பேபி கார்ப் கம்பெனியில் பாஸ் ஆகிவிடுவேன் என்றும், மேலும் டிம் வீட்டிலுரிந்து சென்று விடுவதாகவும் கூறுகிறது. டிம் அதற்கு ஒப்புக்கொண்டு அப்புதிய‌ நாய்க்குட்டி பற்றிய தகவல்களைப் பெறுவதற்கு உதவுகிறான். இக்காலகட்டத்தில் இயல்பாகவே இருவரிடத்திலும் பாசம் ஏற்பட்டுவிடுகிறது. தான் வந்த வேலை முடிந்த பின்னர் பாஸ் குழந்தை திரும்பிச் சென்று விடுகிறது. ஆனால் இருவரும் மற்ற‌வரை நினைத்துக்கொண்டிருக்கின்றனர். இறுதியில் பாஸ் குழந்தைக்கு டிம் தன்னோடு வந்து இருக்கும்படி கடிதம் எழுதுகிறான். மீண்டும் குழந்தையாகி டிம்மிடம் வந்து சேருகிறது பாஸ் குழந்தை.

இப்படத்தினைப் பற்றிய என்னுடைய பார்வை அடுத்த பதிவில்.

The imitation game

the_imitation_game_posterIt’s a 2014 American movie based on a real story of Alan Turing, happened during second world war. It’s about the life of mathematician who helped to crack the encrypted messages sent by German military to their on ground team on the strategies. Until it was decrypted it was so tough to the British military to defeat Nazis in the war fields. Later Turing invented a machine which can decrypte the encoded messages on the fly which is one of the main reasons behind British success in WWII.

The British government kept this as high level secret for another 50 years and later revealed. In between that Turing was accused of homosexual crimes and punished. By that it was against the British law.

The movie has been made in very interesting and thrilling way. One of the major area I love a lot is science portion and the love between Turing and Clarke. No wonder the movie won the academy award for best adapted screenplay.

தேவை பஜ்ரங்கி பைஜான்கள்

சமீபத்தில் மீண்டும் ஒருமுறை பஜ்ரங்கி பைஜான் திரைப்படத்தை பார்த்தேன். ஒட்டுமொத்த சமுதாயத்திற்கு இந்திய சினிமா ஆற்றிய பயன் என்று பார்த்தால் அதிகபட்சம் ஐந்து விழுக்காட்டுக்கும் குறைவே என்பது என் எண்ணம். 95 விழுக்காடு சீர்கேடே. இது இல்லையென்றால் செழிப்போடு இருந்திருப்போம் என்ற பொருளிலல்ல, இல்லாமலிருந்திருந்தால் இத்தனை விரைவாக இத்தனை மோசமாக ஆகியிருக்க மாட்டோம் என்ற பொருளில். சமூகத்தின் பெரும்பகுதி சீரழிந்து விட்டது என்ற பொருளில‌ல்ல, சீரழிவின் பெரும்பகுதி சினிமாவால் என்ற பொருளில்.

நூற்றில் ஐந்து திரைப்ப‌டங்கள் சமூகத்தின் மேம்பாட்டிற்கான படங்களாகவோ, யதார்த்தவாத‌ படங்களாகவோ இருக்கின்றன. மற்றவையெல்லாம் சிரங்கை சொறியும் திரைப்படங்கள்.பஜ்ரங்கி பைஜான் அந்த ஐந்து விழுக்காட்டிற்குள்ளான‌ ஓர் திரைப்படம். இத்திரைப்படத்தினை ஏன் ஐந்திற்குள் உள்ள படைப்பு என்கிறேன் என்றால் படத்தின் மையக்கரு. அதாவது பாகிஸ்தானிலுள்ளவர்களை எதிரியாகப் பார்க்கவேண்டியதில்லை. அங்கும் நம்மைப் போலுள்ளவர்கள் இருக்கிறார்கள், இங்கும் அவர்களைப் போலுள்ளவர்கள் இருக்கிறார்கள்.

இரண்டு காரணங்கள்.

முதலாவது தனி மனித செயல்பாடுகளைக் கொண்டு ஒரு தேசத்தையே வெறுப்பது என்பது முற்றிலும் நம்மைத் தனிமைப்படுத்தவே செய்யும். அப்படி வெறுத்துக்கொண்டே சென்றால் கடைசியில் நான் என்னும் நிலை வரை இந்த வெறுப்பு தொடரும். ஒரு வேளை அதனைத் தாண்டி நம்மையும் வெறுக்கும் நிலைக்கு கூட‌ செல்லலாம். இதனை நாம் ஏன் செய்ய வேண்டுமெனில் நம் தேசத்தினைப் பொறுத்தமட்டில் நடைமுறையில் சட்டத்தின் ஆட்சி நடைபெறவில்லை. பெரும்பான்மையின் ஆட்சிதான் நடைபெறுகிறது. பெரும்பான்மையென்பதாலேயே எப்பொழுதுமே அது சரியாக இருக்க வேண்டியதில்லை. அதனால் அந்தப் பெரும்பான்மையை ஓர் உன்னத நிலை நோக்கி நகர்த்த வேண்டிய நிலைமை ஓர் படைப்பாளிக்கு உண்டு. அந்தப் பெரும்பான்மையின் தற்போதைய நிலையையே மீண்டும் மீண்டும் சொறிந்து விட வேண்டியதில்லை.

இரண்டாவது ஒரு படைப்பாளி என்பவர் தன்னை இரு இடங்களில் நிலைப்படுத்திக் கொள்ளலாம். ஒன்று உன்னத லட்சியவாதத்தில், இரண்டு நிகழ்கால யதார்த்தவாதத்தில். அதாவது ஒருவர் உள்ளதை உள்ளபடியே அப்படியே படைக்கலாம். அது யதார்த்தம். அது அதற்குப்பிந்தைய காலத்திற்கான ஆவணம். இன்றைய நிலையை உள்ளது உள்ளபடியே எடுக்கக்கூடிய ஒரு திரைப்படம் சில நூறு ஆண்டுகள் கழித்து அக்கால கட்டத்தில் இருப்போருக்கு இன்றைய நிலையை துல்லியமாக அறிய உதவும். அல்லது ஒரு திரைப்படத்தை தான் விரும்பும் லட்சியவாதத்தின் அடிப்படையில் எடுக்கலாம். அது உண்மையாகவோ அல்லது தற்போதைய நிலையில் நடைமுறைச் சாத்தியம் இல்லாததாகவோ கூட இருக்கலாம். ஆனால் அது முக்கியமானது, ஓர் படைப்பாளி தான் விரும்பும் லட்சியவாதத்தினை தன் படைப்பில் காட்டும்பொழுது அது அதனை நோக்கிய மக்களின் பயணத்தினை விரைவுபடுத்துகிறது அல்லது அது தொடர்பான கருத்தாக்கம் இல்லாதவர்களிடத்தே ஒரு லட்சிய உலகை முன்வைக்கிறது.

சுருக்கமாக ஒரு யதார்த்த படைப்பு என்பது எதிர்கால சமூக‌த்தின் கடந்த காலத்திற்காக, ஒரு லட்சியவாத படைப்பு என்பது நிகழ்கால சமூகத்தின் எதிர்காலத்திற்காக.

ஆனால் ஓர் சமூகத்தினை ஆளும் அரசாங்கம் என்பது இதன் இடையிலேயே செயல்பட முடியும். அதாவது யதார்த்தவாதத்திற்கு மேலாக, லட்சியத்திற்கு கீழாக. சமூகத்தினை முதல் படிக்கட்டில் இருந்து மேலேயுள்ள படிக்கட்டுக்கு கொண்டு செல்லவேண்டியிருக்கிறது.

ஒருபக்கம் முற்றிலுமாக ல‌ட்சியத்தினை எடுத்துக்கொள்ளும் அரசாங்கம் முழுமையான நடைமுறை சாத்தியம் இல்லாமையால், சமூக அமைதியின்மைக்கு வழி வகுக்கிறது. மக்களை ஒருபடியிலிருந்து அடுத்த படிக்கு எடுத்துச் செல்வது பெரும்பான்மை சமூகத்திற்கு சாத்தியமாகிறது. அதுவே 10 படிகளைத் தாண்டச்சொல்லும்போது சாத்தியமில்லாததாகிறது.

மறுபக்கம் முற்றிலுமாக யதார்த்தத்தினை எடுத்துக்கொள்ளும் அரசாங்கம் சமூகத்தினை முன்னேற்ற முடியாமலாகிறது. சமூகம் முதல் படியிலேயே நின்றுவிடுகிறது.

இப்பார்வையிலேயே பஜ்ரங்கி பைஜான் திரைப்படத்தினை ஓர் லட்சியவாதப் படைப்பாக பார்க்கவேண்டியுள்ளது. அதிலுள்ளது போல் இன்றைய நிலையில் இல்லாமல் இருக்கலாம். அப்ப‌டைப்பிலுள்ள காட்சிகளெல்லாம் அவை சார்ந்த தொழில்களிலும், பதவிகளிலும் இருப்போருக்கு நகைப்புக்குரியதாககூட‌ இருக்கலாம். ஆனால் அது லட்சியவாதம். அருகருகே இருக்கும் இரு தேசமக்கள் இயல்பானவர்களாகவும், அன்பானவர்களாகவும் மற்றவர்களை அரவணைப்பவர்களாகவும் இருப்பதாகக் காட்டக்கூடிய ஓர் படைப்பு எந்த நிலையிலும் முக்கியமானதே. அதுவும் நமக்கு, மிகவும் முக்கியமானது.

Rise of the Planet of the Apes

2011 ஆம் ஆண்டு Rupert Wyatt இயக்கத்தில் வெளிவந்த திரைப்படம். நடிப்பு James Franco. இவர்தான் சமீபத்தில் வெளிவந்த Interview மற்றும் 127 Hours திரைப்படங்களில் நடித்தவர். நாயகி Freida Pinto. இவர் இந்தியப் பெண் . Slumdog Millionaire படத்தில் நடித்த அதே பெண்.

கதைப்படி வில் ரோட்மென் ஒரு ஆய்வாளர். அல்சமீர் ( Alzheimer) போன்ற மறதி நோய்களுக்கான‌ மருந்தினைக் கண்டுபிடிக்கும் ஆராய்ச்சியில் ஈடுபட்டு ALZ-112 என்னும் மருந்தைக் கண்டறிகிறார். பின்னர் அதனை சோதனைக்காக ஒரு சிம்பன்சியின் மீது செலுத்தி அதன் விளைவுகளைப் பரிசோதிக்கிறார். அப்படி செலுத்தப்பட்ட சிம்பன்சி மிகவும் புத்திசாலித்தனமாக மாறுகிறது, அத்தோடு அதன் கண்களும் பச்சை நிறமாக மாறுகிறது. அதனைத் தொடர்ந்து அந்த திட்டத்தின் முதலீட்டாளர்களிடம் இதனை விளக்குகிறார் வில்லின் முதலாளி Steven Jacobs. அப்போது திடீரென்று வெறி கொள்ளும் அந்த சிம்பன்சி அங்கிருக்கும் அனைவரையும் தாக்கிவிட்டு முதலீட்டாளர்கள் கூட்டம் நடைபெறும் இடத்திற்கும் வந்து அனைவரையும் தாக்க ஆரம்பித்து விடுகிறது. அதனால் பாதுகாவலர்கள் அதனை கொன்று விடுகின்றனர். இதனால் முதலீட்டாளர்கள் விரக்தியடைய இத்திட்டத்தை கைவிடுவதாகவும், அனைத்து சிம்பன்சிகளையும் வலிக்காமல் கொன்று விடும்படி சிம்பன்சிகளைப் பாதுகாக்கும் Robert Franklin னிடம் கூறுகிறார் முதலாளி Steven Jacobs. வில் எவ்வளவோ கேட்டும் ஆய்வைத்தொடர மறுத்துவிடுகிறார் Jacobs. அதனைத் தொடர்ந்து சிம்பன்சிகளைக் கொல்லச் செல்லும்பொழுது தற்பொழுது இறந்த சிம்பன்சி சற்று முன்னர் ஒரு குட்டியை பிரசவிப்பதை கண்டுகொள்ளும் Robert Franklin அதுவே அச்சிம்பன்சியின் வெறிச்செயலுக்கு காரணம் என கூறுகிறார். மேலும் அந்தக் குட்டியை மட்டும் கொல்லாமல் வில்லிடம் கொடுத்து பாதுகாக்கும்படிக் கூறுகிறார் . தன்னுடன் எடுத்துச் செல்கிறான் வில்.
Continue reading

Captain Phillips (film)

Paul Greengrass ன் இயக்கத்தில் 2013 ல் வெளிவந்த திரைப்படம். 2009 ஆம் ஆண்டு நடைபெற்ற அலாபாமா சரக்குக் கப்பல் கடத்தல் சம்பவத்தை மையமாகக் கொண்டு எடுக்கப்பட்ட திரைப்படம். Captain Richard Phillips ஆக நடித்திருப்பவர்  Tom Hanks. கொள்ளையர்களின் தலைவனான‌ Abduwali Muse ன் கதாபாத்திரத்தில் நடித்திருப்பவர்  Barkhad Abdi.

தனக்கு இட்ட வேலைப்படி ஆயுதங்களில்லாத சரக்குக் கப்பலை ஓமனின் சாலாலா துறைமுகத்திலிருந்து கென்யாவின் மொம்பாசா துறைமுகத்திற்கு கொண்டு செல்ல பணியாளர்களுடன் புறப்படுகிறார் பிலிப்ஸ். சோமாலியக் கடத்தல்காரர்களைப் பற்றி வரும் எச்சரிக்கையை அடுத்து கப்பலை பத்திரமாகக் கொண்டு செல்ல முன்னெச்சரிக்கை நடவடிக்கைகளை மேற்கொள்கிறார் பிலிப்ஸ். இருப்பினும் நடுவழியில் சோமாலியக் கொள்ளையர்கள் இரு மோட்டார் படகுகளில் பின் தொடர்கின்றனர். அவர்கள் கப்பலிலிருந்து வரும் செய்திகளை உளவு பார்ப்பதை அறிந்துகொள்ளும் பிலிப்ஸ் தன் குரலை மாற்றி இன்னும் ஐந்து நிமிடத்தில் விமானம் பாதுகாப்பிற்காக வரும் என்கிறார். அதனை இடைமறித்துக்கேட்கும் கொள்ளையர்களில் ஒரு படகினர் பயந்து திரும்பி விடுகின்றனர்.

மற்றொரு படகினர் பயப்படாமல் கப்பலை நோக்கி முன்னேறி கப்பலை அடைந்துவிடுகின்றனர். அவர்கள் கப்பலை அடையாமல் இருக்க முயற்சித்து தோல்வியடையும் பிலிப்ஸ் அனைத்து பணியாளர்களையும் இன்ஜின் அறைக்கு செல்லும்படியும், ஒரு ரகசிய வார்த்தையைக் கூறி அதனை தான் திரும்பக் கூறினால் ஒழிய யாரும் வரக்கூடாது எனவும் கூறி அவர்களை மறைந்து கொள்ளச் சொல்கிறார். தன்னைத் தவிர யாரு பணயக் கைதிகளாக கொள்ளையர்களிடம் பிடிபடக்கூடாது என விரும்புகிறார் பிலிப்ஸ்.

பின்னர் படகில் வந்த நால்வரும் கப்பலை தங்கள் கட்டுப்பாட்டில் எடுத்துக் கொண்டு மற்றவர்கள் எங்கே எனக் கேட்கின்றனர். பிலிப்ஸ் தன‌க்குத் தெரியாது எனக்கூற, கொள்ளையர் தலைவன் முசேவும், மற்றொருவனும் அனைவரையும் தேடி கப்பலின் அனைத்து தளங்களுக்கும் செல்கின்றனர். அவர்களில் ஒருவன் செருப்பு அணியவில்லை என்பதனைத் தெரிந்துகொள்ளும் பிலிப்ஸ் அத்தகவலை ரகசியமாக இன்ஜின் அறைக்குள் மறைந்திருப்பவர்களுக்கு தெரிவிக்க அவர்கள் வரும் வழியில் கண்ணாடித் துண்டுகளைப் போட்டு வைக்கின்றனர். அதில் மிதிக்கும் கொள்ளையனின் காலில் அடிபட்டு ரத்தம் வருகிறது. அவனால் தன்னால் தொடரமுடியாது எனக்கூறிவிட்டு மேலே சென்று விடுகின்றான். தலைவனான முசே மட்டும் கீழே சென்று தேடுகிறான். அவனைக் கீழிருக்கும் பணியாளர்கள் பிடித்து வைத்துக்கொள்கின்றனர். தங்கள் கேப்டனை விடுவிக்க‌வேண்டும், அத்தோடு தங்களிடமுள்ள 30000 டாலர்களை மட்டும் எடுத்துக்கொண்டு, வேண்டுமானால் தங்களின் படகு ஒன்றினை எடுத்துக்கொண்டு புறப்படவேண்டும் என நிபந்தனை விதிக்கின்றனர். ஏற்றுக்கொள்ளும் கொள்ளையர்கள் பிலிப்ஸும் தங்களோடு படகு வரை வரவேண்டும் எனக் கூறிவிட்டு கடைசியில் பிலிப்ஸை விட மறுத்து தங்களோடு கடத்தி செல்கின்றனர். நீண்ட தூரம் பயணிக்க வேண்டியிருப்பதால் தங்கள் தலைமைப் படகை அழைக்கின்றனர் கொள்ளையர்கள். அதற்குள் தகவல் அமெரிக்க கப்பல் படைக்கு செல்ல பாதுகாப்புக்கப்பல் வருகிறது. பின்னர் நடக்கும் பேச்சுவார்த்தைக்குப் பின்னர் முசேவை பேச்சுவார்த்தைக்கு அழைத்து கைது செய்கிறது கப்பல் படை. அதே நேரத்தில் படகில் உள்ள மற்ற மூன்று கொள்ளையர்களும் கொல்லப்படுகின்றனர். பிலிப்ஸ் மீட்கப்படுகிறார்.

திரைக்கதை, காட்சி அமைப்பு, கதாபாத்திர தேர்வு மூன்றும் கச்சிதமாக அமைந்த திரைப்படம். பல்வேறு ஆஸ்கர் விருதுகளுக்கு பரிந்துரைக்கப்பட்து. ஆனால் Barkhad Abdi மட்டும் சிறந்த துணை கதாபாத்திர விருது கிடைத்தது. 55 மில்லியன் அமெரிக்க டாலர்களில் எடுக்கப்பட்ட திரைப்படம் இதுவரை 218 மில்லியன் டாலர்களைக் குவித்துள்ளது. இந்த திரைப்படத்தினைப் பார்த்த பின்னர் அந்த சம்பவத்தை பற்றி அறிந்து கொள்ள விரும்பி அது தொடர்பான தகவல்களை வாசிக்கின்ற பொழுது புலப்பட்ட ஒன்று அனைத்துக் காட்சிகளையும் உண்மைக்கு மிக அருகிலேயே எடுத்திருக்கிறார்கள். உதாரணமாக அலபாமா என அழைக்கப்பட்ட அந்த சரக்குக்கப்பலினை போன்ற‌ அச்சு அசலாக அதே மாதிரி தோற்றம்  கொண்ட‌ ஒன்றினை உபயோகப்படுத்தியுள்ளார்கள். அதோடு அவர்கள் செல்லும் படகு, உபயோகப்படுத்தும் துப்பாக்கி எல்லாமே உண்மையில் உபயோகப்படுத்தப்பட்டவற்றை ஒட்டியே அமைத்துள்ளது. பார்க்க வேண்டிய திரைப்படங்களில் ஒன்று.